RIDING IN TANDEM STRIKES AGAIN | Isa naman ka anay drug surrenderer, patay sa pagpangluthang sang riding in tandem sa Calubihan, Jaro.

36

Isa na naman ka anay drug surrenderee ang ginluthang patay sang riding in tandem sa brgy. Calubihan , Jaro pasado alas 9: 00 kahapon sang aga.
Ginkilala ang biktima kay niel resma, 30 anyos , barangay tanod sang nasambit nga barangay kag anay residente sang Bakhaw, Mandurriao.
Suno kay Brgy. Kgwd. Rammy Guintibano sang Calubihan , Jaro, naga-washing sang iya motorsiklo ang biktima sa atubang sang barangay hall sang gindulugan sang riding in tandem kag ginluthang.

Nakaaagum sang patal nga pilas sa ulo ang biktima nga gintunaan sang iya kamatayon.

Tuman naman ang kaakig sang live in partner ni resma nga si alyas inday, 63 anyos kag suno sa iya, may ideya siya kon sin-o ang nagpatay kay resma.

indi naman ma-identify ang mga suspek base sa kuha sang CCTV camera bangud naka-helmet kag naka-kalo ang mga suspek.

Padayon ang imbestigasyon sang Jaro police station agud mahibaluan kon sin-o ang mga suspek kag ano ang motibo sang pagpangluthang.

Facebook Comments