Davao City- Na-identify na sa Davao City Police Office kun DCPO ang ubang mga suspek sa riding-in-tandem nga mga kaso dinhi sa syudad sa Davao.
Kini ang gikumpirma ni DCPO Director Police Senior Supt. Alexander Tagum atol sa interview sa DXDC RMN Davao diin isa sa mga nailhan na mao ang mga nipatay sa Chief Security Guard sa San Lorenzo Farm ug retired Philippine Army, TSGT Remegio Claonan Milla kaniadtong miaging semana sa Calinan ning dakbayan.
“Yes definitely, we were able to identify them, apil natong nagpatay last week sa usa ka security officer sa usa ka dako nga farm sa Calinan nga na- identify natong mga miyembro sa New People’s Army,” sulti ni Tagum.
Dugang Tagum, nagpahigayon sila og usa ka press conference kaniadtong miaging adlaw kauban ang mga station commanders nga dunay ginagunitan nga mga kaso kalabotan sa riding-in-tandem gani gitahasan na niya ang mga station commanders subay sa direktiba ni Philippine National Police (PNP) chief Director General Ronald dela Rosa nga sulbaron ang riding-in-tandem nga mga krimen kay tungod og dili kini masulbad sumala ni delo Rosa, maghuna-huna na usab ang katawhang pilipino nga hinimuan kini sa kapulisan o ginatolerar sa kapulisan.
“Naay mga development, we have identified the perpetrators and in the nearest future, we will be able to file criminal complaint kontra niining mga tawhana aron ma-neutralize ning mga nagabuhat og kabuang sa syudad.” Sigun ni Tagum.
Sumala ni Tagum, pagatutukan nila dili lang ang mga organized crime groups apan lakip na usa ang mga riding-in-tandem sa mga NPA, communists terrorists, ug criminal gang nga nalambigit sa mga kamatay dinhi sulod sa Davao City.
RadyoMan Renz Barbarona
