Davao City – Wala nay mahimo ang riding public human giaprubhan sa Land Transportation Franchising and Regulatory Board (LTFRB) ang usbaw sa pletehan sa taxi ug tumanon na lamang kini.
Sumala ni Davao City 3rd District Councilor Condrado Conde Baluran Chairman Committee on Transportation and Communication Davao City Council, angayan kining tumanon tungod kay giaprobahan na sa LTFRB.
Giingon pa ni Baluran, human mitaas ang presyo sa gasolina dili na ikatingala nga mosunod usab ang pagsaka sa kantidad sa mga palaliton tungod kay usa kini ka “domino effect”.
Alayon niini matud ni Baluran, ang katawhan gayud ang mag antus sa kalisdanan luyo pa man sa gilaumang pagtaas sa suholan nga hangtod karon wala pa mapatuman.Samtang giklaro usab sa maong konsehal nga magdepende na unya sa pasahero kung mosakay o dili sa taxi.
RadyoMaN Bernard Pantallon
