Dead on the spot ang usa ka senior citizen nga sakop sa University Police sa Mindanao State University Tambler Campus human kining gipusil patay sa nag-inusarang suspek sulod sa residential compound sa nasangpit nga unibersidad gahapon sa buntag.
Matod kay Police Inspector Winnie Perez deputy station commander sa Fatima Police Station rido ang motibo sa pagpatay kang Kasim Mandalawe Bangcuga 63 anyos nga naigo sa ulo duha ka higayon gamit ang .45 caliber pistol.
Magtambong unta sa sambayang ang biktima alang sa Eid’l Adha sulod lamang sa campus dihang paggawas niini sa iyang panimalay aron mosakay og motorsiklo giatngan sya sa suspek.
Dinhi na gipusil sa duol nga distansya ang biktima samtang yanong nagbaktas ra ang suspek palayo sa lugar og niagi ra sa likod nga bahin sa compound sa campus.
Gidugang sa opisyal nga kini ang unang higayon nga pagpamusil patay ang natala sa presinto ning bulan lamang.
Ugaling ma-ilhan ang pangalan sa suspek nga medium built ang panglawas og anaa sa 5-4 hangtud 5-5 ang gitas-on og bana-bana 30 hangtud 40 anyos ang panuigon makonsiderang cleared ang kaso.
www.facebook.com/ifm91.9Gensanofficial/ www.facebook.com/ifm91.9Gensanofficial
