Davao City – Gihulat karon sa Tagum PNP nga mupatim-aw ang mga opisyales sa Rigen Marketing human sa nahitabong pagpangransak o looting incident sa ilahang mga propiyedad niadtong nakalabayng Biyernes.
Segun ni Tagum Pnp spokesperson Police Capt. Anjanette Tirador nga adunay simultaneous nga pagpanransak nga nahitabo sa staff house nga gipanagiyahan ni King Paul Auditor CEO sa Rigen Marketing, balay ni Ian Palejo kanhi IT Head ug sa balay ni Dominador Garcia amahan ni John Rico Garcia kanhi CEO sa Rigen Marketing.
Matud pa sa report nga gipanguha usab sa pipila ka mga indibidwal amg mga kagamigan lakip na usa ka sakyanan.
Dili pa matino sa kapulisan ang damyos sa insidente ug magagad pa kini sa final inventory sa mga tag-iya.
Gibutyag ni Tirador nga gipatrolyahan na nila ang maong lugar aron dili na masubli ang maong kasamok.
RadyoMaN Aimee Guinita
