Davao City – Nagka riot sulod sa Talomo Police Station dihang natugaw ang pagkatulog sa pipila ka mga piniriso kaganinang kadlawon tungod lang sa sigarilyo.
Sa report, dihang napriso ang usa ka Johnbest Pilapil ug Jovem Torcal tungod nagmaoy sa Brgy 76-A, nangayo matud pa kini og sigarilyo sa live in partner ug gipalusot sa sulod ang 3 ka piraso sa sigarilyo.
Dihang naa sa sulod sa maong detention facility, gibadlong kini sila sa lain pang detainee gumikan sa gawas nga gabii na kaayo, gidili usab ang sigarilyo sa sulod apan inay nga magpatoo, gisumbag hinoon ang namadlong hinungdan nga miulbo ang riot.
Gumikan sa panghitabo, gidala sa ospital ang pipila ka mga piniriso human nakahiagom og mga bun-og sa kalawasan.
RadyoMaN Paul Canono
Facebook Comments
