Davao City – Hugot karong gi-monitor sa kapulisan ang mga area kung asa naga riot ang mga batan-on aron malikayan ang maong kagubot.
Sa interbyu sa DXDC RMN Davao kang Police Major Noel Villahermosa, station commander sa Bunawan PNP, gibutyag niini nga nag montar na sila og mga mobile patrol sa area asa sagad nagapanghitabo ang riot sa mga batan-on.
“Gipabutangan nako og mobile didto sa area asa sila usually naga rambol. Gipabutangan pud nako’g beat partollers para ma-address ning problemaha,” segun ni Villahermosa.
Nanawagan usab ang police official sa mga ginikanan nga kanunayng i-monitor ug bantayan ang ilang mga anak basin og nalambigit na kini sa mga riot o rambol sa mga batan-on.
Sa mga ginikanan, atong bantayan atong mga kabataan, atong mga anak basin na-involved na sila sa mga riot-riot, sa mga grupong dili maayo,” panawagan ni Villahermosa.
Kahinumduman nga bag-ohay lamang nalambigit ang duha ka grupo nga Atraka gang gikan sa Bunawan ug RMB gang gikan sa Tibungco ning dakbayan.
RadyoMaN Kirby Manzon
