Jamindan, Capiz- Ginhatagan sang military honor sa 3ID Philippine Army sa Camp Macario Peralta kahapon nga adlaw Abril 21, 2020 si Corporal Joel Nobleza nga killed in action sa engkwentro kontra NPA sa Himamaylan City, Negros Occidental.
Ang aktibidad ang ginpangunahan ni Col Wilfredo Villahermosa, ang Chief of Staff sang 3rd Infantry Division.
Kahapon nga adlaw gindul-ong na sa ila lugar sa San Vicente, Jamindan si Corporal Nobleza nga nangin katapo sang 61st Infantry battalion antes nga gin-assign sa 94th Infantry battalion nga naka-base sa Negros Occidental.
Nahibaluan nga kalaslon kuntani subong nga palaabuton nga Abril 25, 2020 sa iya kahagugma si Corporal Nobleza.
Suno sa utod sini nga si Jonalyn, isa ka mabuot, mabinuligon nga utod kag anak si Nobleza kun sa diin ini ang nagserbe nga breadwinner sa ila pamilya sa kabangdanan nga ini ang wala pa sang asawa.
Sa subong wala pa sang petsa sang lubong sang nagtaliwan nga tropa sang militar nga si Cpl. Joel Nobleza.
📷 Philippen Army Spearhead Troopers
