Davao City – Suportado ni Philippine Drug Enforcement Agency (PDEA-XI) Regional Director Antonio Rivera, ang PNP-PDEA unified guidelines and protocols nga gimuntar ni PNP Chief Gen. Guillermo Eleazar.
Gibutyag ni Rivera mas dako kining tabang aron malikayan ang mga mis-encounter sa kapolisan ug mga PDEA agents atol sa mga drug operations. Sumala niini sa Region XI, lig-on ang koordinasyon ug kominikasyon sa PDEA ug sa PNP.
“Tanang drug operations sa PNP ug PDEA, nakalista ug reported na sa amoa, ginareport namo na sa taas. Makabalo mi kung kinsa ang nag-operate karong adlawa, unsang orasa kay naa na sa amoang certificate of coordination,” segun niini.
Matud ni Rivera, wala pa naabot kaniya ang maong unified guidelines and protocols gikan sa headquarters sa PDEA. Gitataw ni Rivera, kinahanglang ma-enhance ug madugangan ang protocol ug set of rules sa mga nakahan-ay na nga kasabutan tali sa PNP ug PDEA.
RadyoMaN Aimee Guinita
