Davao City – Ipahigayon ugmang adlawa (December 30, 2020) sa City Government of Davao ang misa sa paghinumdom sa mga biktima sa dako’ng sunog sa NCCC Mall niadtong Disyembre 2017, dungan sa pag komemorar sa Rizal Day.
Matud ni Davao City Mayor Sara Duterte-Carpio nga human sa aktibidad sa Rizal Day nga himuon sa Rizal park ning syudad, gilayong isunod ang memorial mass alang sa mga biktima sa sunog.
“Karong Wednesday (December 30, 2020), there will be a commemoration sa Rizal Day dinhi sa Rizal park. After that, there will be a commemoration or memorial mass para sa atong mga NCCC fire victims,” butyag ni Mayor Sara.
Kahinumduman nga miabot sa 38 ang casualties sa maong dakong sunog duha ka adlaw ayha ang Pasko niadtong 2017 diin halos call center agents ang biktima niini.
RadyoMaN Kirby Manzon
