Davao City – Dako ang pasalamat ug walay kabutngan ang kalipay sa 76 anyos nga si Roque Siton taga-Prk 9 Rasay St., Toril, Davao City kinsa gideklarang major winner atol sa Grand Raffle Draw sa RMN Big Christmas 2018 aa Gaisano Grand Toril.
Nidaog kini og P20,000 nga cash prize.
Sa interbyu sa RMN Davao kang Siton nga dako kining ikatabang ang iyang premyo aron pangpalit niini og medisina ilabina aduna siyay gihambin nga balatian.
“Wala ko nangandoy nga ako makadaog pero salamat sa Ginoo nga nabunot ang akong pangalan, salamat sa Radio Mindanao Network, sa DXDC,” sumala niini.
Kapin 200 ka mga taklob sa Tanduay ang gihulog nga entries ni Siton ug kini usab ang unang higayon nga niapil kini og raffle.
Samtang nidaog usab og tag P5,000 sila Aurera Marissa Basingan, 52, Sandawa Village, Buhangin ( Speed Power Whitener )
ug Analisa Serbo, 45, Del Carmen, Seaside Matina Aplaya ( Speed Fresg Roses ).
Si Joseph Layes, 34-anyos, sa Spring Valley, Buhangin, Tanduay Light maoy mananaog sa P10,000 cash prize.
Ang Week 5 ug 6 Enervon Winners mao sila Creselyn Cayanig, 32 anyos, taga-Dumalag 2, Matina Aplaya ug Arlene De Lara, 49 anyos, taga-Ruiz Village, Agdao, Davao City.
Dili gayod mahutdan og talento usab ang mga Kasama natong taga-Davao tungod kay pinasahing mga estilo ilang gipakita atol sa Itatak mo singing ug dance contests.
Gitanghal nga mga champion sa sa Itatak Mo Singing Contest si Jessica Juarez nga taga-Times Beach, Ecoland ug Itatak Mo Dance Contest si Edmund Labor taga-Sunshine, Matina Aplaya, Davao City.
RadyoMaN Aimee Guinita
