Lakip ang iladong RMN commentator Reuben Canoy sa 19-man special consultative group nga gimugna ni Pres.Rodrigo Duterte aron tun-an kun unsa ba mga mga kausaban ang angayang ipatuman diha sa 1987 Philippine Constitution.
Si Canoy naila sa iyang pamoso na kaayong radio social critique mga gititulohan nga ‘Perspective’ madunggan matag buntag sa tanang mga RMN radio stations sa Visayas ug Mindanao.
Gawas kang Canoy, nalakip usab sa mga appointees sila former Senate President Aquilino ‘Nene’ Pimentel, Jr, Randolph Parcasio sa Muslim sector, Roan Libarios ug uban pang hanete ug batid sa balaud, pulitika ug sa konstitusyon.
Ang constitutional reforms tipik ug kabahin sa promesa sa kampanya ni Duterte diin tupad nga ipatuman ang pag-usab sa porma sa atong panggobyerno gikan sa presidential unicameral form ngadto sa federal parliamentary system of government susama sa French model diin aduna gihapoy Presidente ug Prime Minister kinsa maoy magsilbi nga head of government.
RadyoMaN June Duterte
