Davao City – Uban ang entero setup sa Radio Mindanao Network gilangkuban sa kapin 50 ka mga AM ug FM stations sa tibuok kapupud-an, saulogon usab sa RMN DXDC Davao karong Agosto 28 Lunes ang dul-an pito ka dekada na nga pag–establisar sa No.1 radio network sa Pilipinas karon.
Karong Lunes,ilusad sa RMN Davao ang ‘Mission 2017: Handang Tumulong Sa ‘Yo’ Medical Mission sa Erico Nograles National High School sa Barangay 37-D Trading Boulevard ning syudad.
Motunol ang RMN Davao ug mga partner agencies niini sa libreng bunot sa ngipon, medical checkup sa mga adults ug pedia, free medicines, pre-natal sa mga nagsabak, eye checkup, massage ug urban pa atol sa nasangit nga aktibidad.
Pagpasalamat kini sa hataas nga panahon sa panagkuyog sa sibyahanan uban ang katawhan silbing katumanan sa damgo sa founder niini nga si Don Henry Canoy.
Kahinumdoman nga Agosto 28, 1952 kadto sa dihang natawo ang pangandoy ni Canoy nga tukoron ang ‘bridges on the air’ kun ang pagpanerbisyo sa tawo gamit ang bantawan sa radyo kun broadcast.
Naila ang RMN nga byword kun kabahin na sa inadlaw adlaw’ng kinabuhi sa mga lungsuranon pinaagi sa mga masaligang balita, lig-on nga komentaryo, matinud-anong serbisyo publiko ingon man mga matahum ug matulun-anong Cebuano radio dramas sa AM ug nindot nga mga musika ug kalingawan sa FM dul-an pito ka dekada na ang nakalabay.
Kasamang June Duterte
