Davao City – Agig pagpanerbisyo sa katawhan sa Davao ug kanait nga mga kasyudaran, ilusad sa DXDC 621 RMN Davao ang tinuig nga whole-day live coverage sa mga katikaran sa pag-komemorar sa adlaw sa mga minatay kun ‘Todos Los Santos’ o ‘Kalag-Kalag’ sa mga Bisaya.
Gititulohan nga ‘Oplan Paghanduraw 2017,’ madunggan sa mga areas nga maabot sa atong radio broadcast sa entero Davao Region ug silingang mga lokalidad ang atong entero adlaw nga paghulagway sa paghu-ot sa katawhan samtang mobisita sa ilang mga minahal sa kinabuhi kinsa nitaliwan na sa laing kalibutan.
Magsugod gikan sa alas-4:00 sa kaadlawon hangtod ngadto sa alas-6:00 sa kagabhi-on, dad-on sa ere sa mga kakaubanan sa RMN News & Public Affairs Team (NPAT) ang up-to-the-minute updates gikan sa 10 ka mga ‘major cemeteries’ ug 20 ka mga ‘secondary cemeteries’ sa tibuok dakbayan.
Gawas sa kumpletong paghulagway sa mga katikaran nianang adlawa, gidapit usab sa numero unong sibyahanan sa habagatan ang katawhan nga paminawon ang pinasahing mga special mini-radio documentary reports sama sa ‘TRADISYUN,’ ‘HALAD,’ ‘UNDERTAKER,’ ‘HAUNTED SPIRITS’ ug ‘TRANSFORMED.’
Ubanan usab kini sa Live Situational Reports, interviews sa mga dinapit kun mga guests sa tanang mga Core Programs sa sibyahanan haron hisgotan ang mga kostumbre kun practices sa publiko atol sa Nobyembre 1, sitwasyon sa seguridad ug uban pang developments ning espesyal nga adlaw sa mga de-punto na.
RadyoMaN June Duterte
