Davao City – Importante kaayo ang papel sa pamilya diha sa pag-ila, pag-atendir ug pag-atiman sa nasinatiang depression karon sa katawhan diin ang ubang insidente mosangpot gayud sa pagtubok kun paghikog sa mga nawad-an na’g paglaum.
Usa kini sa gipaambit nga latest research data and inputs ni Ms. Ermela Deposa, Program Director for Counseling sa Koinonia Theological Seminary Foundation denhe sa Davao City atol sa ‘Understanding Depression Session’ sa RMN DXDC Davao tinambongan sa mga news reporters, radio anchors ug radio personalities nga matag adlaw’ng tanan naga-handle sa mga issues nga related sa depression phenomenon.
Ang media sensitivity training tipik ug kabahin sa pagbansay dili lamang sa enhanced journalistic and technical skills sa mga RMN staff apan labaw sa tanan, haron mamahimong mas kaantigo sa paghandle sa mga istoryang may kalambigitan ning maong mental health issue.
Gisaysay ni Deposa nga komon kaayo karon ang kakulang sa paglaum kun ‘sense of hopelessness’ sa tawo inubanan sa daghang mga factors nga nagatunol kaniya ug mga suliran.
Matud ni Deposa, pagpamatuod lamang kini nga ang nasangpit nga vacuum posibleng bunga sa daghang mga hinungdan diin tino kun dayag kaayo ang phenomenon gitawag nga ‘love deficit’ maoy hinungdan nga ang tawo makasinati sa dili ti-aw’ng depression.
Angay masabtan sa tanan, segun sa counseling expert nga ang suliran lawom ug gipanukaran diin nagasugod kini sa klase sa pamilyang namat-a’g buot sa bata, kun siya ba nagdaku diha sa usaka ‘secured childhood’ diin nagpakita usab kini nga ang nasinatian karon nga mga dilemma sa usaka tawo malagmit hinungaw sa gitawag nga ‘ancient anxieties.’
Mahinungdanon kaayo ang papel sa pamilya, ilabi sa mga inahan sa panahon sa pagtubo sa iyang mga anak nga maseguro nga hingpiton ang paghigugma ug attachment sa nahauna ngadto sa naulahi haron magtubo sila nga preparado ug lig-ong moatubang sa mga dagkung suliran ug balud sa kinabuhi, dugang sa panelist.
Ang sensitivity training natawo usab gumikan sa dakung panginahanglan nga ang tigbalita kun mga journo makahibalo kun unsaon pagtratar sa mga sensitibong isyu sama sa ‘suicides due to depression’ ug haron madala sa ere dili lamang ang ‘death narrative’ kon dili ang mas kritikal nga pangutana kun nganong adunay mga tawong mapugos sa pagdangop sa hikog aron makaikyas sa ilang mga presenteng suliran sa kinabuhi.
RadyoMaN June Duterte
