Gipasalamatan sa Pamansalan Elem. School ang gihimong Feeding Program sa RMN- DXDR Dipolog niadtong adlawng lunes didto sa may Sitio Pamansalan, brgy. Diwan, Dipolog City may kalabutan kini sa Nutrition Month Culmination ning bulan sa Hulyo.
Tibuok pwersa sa DXDR, ang miadto sa maong tulunghaan sa pagpanguna ni SM Edgar Dagumo, uban sa iyang tibuok sakop ug DXDR fan club. Bandang 9:00AM kapin kun kulang. Mainiton usab nga gi abi-abi sa mga magtutudlo uban sa ilang bag-ong principal nga si Jazelda Sy.
Excited usab ang 142 ka mga magtutungha nga motilaw sa lamian nga Champorado ug itlog nga dala sa pwersa sa RMN DXDR.
Daw sa dili mahulagway ang ka maya sa mga bata sa dihang ilang na tilawan ang lamian nga pagkaon gani nakakaon usab ang mga ginikanan nga anaa niadtong tungura.
Butyag pa ni Principal Jazelda Sy dako iyang pasalamat nga ang Pamansalan Elem. Ang napili sa DXDR para sa feeding program bisan paman layo ug mas daghan pang mga tulunghaan ang nanginhanglan sa susamang serbisyo. Matod niya dugang usab kini nga kalampuson alang kaniya isip principal human nga milingkod siya duha ka semana kapin ang milabay.
Kahibaloan ang nahisgutan nga tulunghaan gilangkuban lamang kini sa unom ka mga magtutdlo ikapito niini ang principal ug aduna lamang sila’y 142 ka mga studyante, bisan paman sa kalayo sa ilang lugar apan wala gihapon sila gikalimtan sa tinuod nga serbisyo sa DXDR alang sa katawhan.
Lauman nga dili lang kini nga higayon ang paghimo ug feeding program sa DXDR kundili adunay pa’y dugang maka benepisyo sa umaabot nga mga bulan. Karong bulan sa Agosto, magpahigayon usab ug medical mission ang DXDR ug kini ang angay paabuton sa katwahan dinhi sa Zamboanga del norte kun asa kini pagahimuon.
