Ang mga rehiyon sa CARAGA, Northern Mindanao ug Zamboanga Peninsula makasinati sa madag-umon nga kalangitan inubanan sa katag-katag nga pag-ulan kilat ug panalugdog tungod sa Tail-End of a Cold Front.
Posible ang mga kalit na pagbaha ug pagdahili sa yuta tungod sa katag-katag nga hinay ngadto sa kasarangan ug panalagsang kusog nga pagbundak sa ulan niining mga lugara. Samtang sa ubang bahin sa Mindanao makasinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag-ulan kilat ug panalugdog tungod kini sa mga localized thunderstorms.
Posible ang mga pagbaha tungod sa pat-ak pat-ak nga hinay ngadto sa kasarangan ug panalagsang kusog nga pagbundak sa ulan niining mga lugara. Hinay ngadto sa kasarangan nga hangin ang maga gikan sa amihanang sidlakang direksyon diin hapsay ngadto sa kasarangan ang balud sa kadagatan.
www1.pagasa.dost.gov.ph/index.php/regional-forecasts/mindanao-prsd
