Rmn Gensan- drum beating Competition-usa sa mga giatngan sa Sarbay festival 2017

48

Nakahan-ay na ang Provincial Government sa Sarangani katugbang ang munisipyo sa Glan alang sa magarbuhon nga Sarangani Bay Festival 2017 nga magsugod Mayo baynte-singko (25) paingon Mayo baynte-syete (27).
Tulo ka adlaw nga saulugon ang naila nga pinakadako nga beach festival sa Pilipinas, ang Sarangani Bay Festival kon Sar Bay Fest.

Segun ni Ms. Langlang Rudes, ang tourism operation officer sa STIPC kon Sarangani Tourism and Investment Promotion Center, gilauman nila nga mas labwan pa karong tuiga ang gidaghanon sa mga turista og dumuduong itandi sa nakalabay nga tuig. Sento-sinkwenta mil (150k) ka mga indibidwal ang natala nga nakig-SarBay niaging tuig sa white sand beaches sa Barangay Gumasa sa Glan.

Ang aktibidad ang gimugna aron magpabilin sa huna-huna sa tanan ang kamahinungdanon sa Sarangani Bay og ang pag-atiman sa tibuok kinaiyahan tungod kay konektado ang kapatagan og kadagatan; ang unsa mang kadautan sa kabukiran ang siguradong may epekto sa mga kabaybayunan.
Rason nga gipili kini sa kahugpungan sa mga tourism officer sa tibuok Pilipinas nga Best National Tourism Event in Sports, Adventure and Wellness, og kini ang gipasalamatan ni Governor Steve Chiongbian Solon ug uban pang opisyal sa probinsya.
Gani, mahuman man ang kalingawan sa Mayo baynte-syete (27), ang kabuntagon sa Mayo baynte-otso (28) ang igahin alang sa pagpanghinlo. Aron ganado sa clean up activity buntag sayo sa May 28, adunay mga street dancers ang mamukaw og muduyog sa pagpanglimyo.

Dili mawala ang gikahinaman nga Swim Across the Bay, pagtabok kini gikan Maasim paingon Glan pinaagi sa paglangoy.
Anaa ang sand sculpture, beach volleyball, beach football, skim boarding, fire dancing, jetski, frisbee tournament, Pinta sa Baybayon, zumba, triathlon, foam party, bikini open, drum beating competition sa RMN GENSAN, og daghan pa.

Sa bahin ni Board Member Rosemarie Martinez-Sayo, ang nangulo sa tourism committee sa Sangguniang Panlalawigan, giimbitahan niini ang tanan nga apilan og saksihan ang nabaniog na nga SarBay Fest tungod kay ready na ang lokal nga panggamhanan. (GOVERNOR’S OFFICE SARANGANI PROVINCE)

Facebook Comments