Davao City-Dako ang kalipay sa usa sa mga RMN listeners nga misalmot sa Mission 2017: Handang Tumulong Sa’Yo’! Medical Mission nga gipahigayon sa Erico T. Nograles National HighSchool, sa Barangay 37-D Trading Boulevard, Davao City.
Sa interview sa DXDC RMN Davao kang Luciana Intia, taga SIR Matina ning dakbayan, sigun niini nga dili na niya kinahanglan mugasto pa aron lang magpaibot og ngipon.
Nagpasalamat sab siya sa DXDC RMN Davao tungod nakatabang kanila ang maong kalihokan diin asa dunay libreng medical checkup, medisina, pedia, pre-natal, eye checkup, massage, uban pang serbisyo publiko, ug kalingawan kauban ang entero pwersa sa DXDC RMN Davao ug 93.9 IFM Davao.
Hinaut ni Intia nga magpadayon pa ang nasangpit nga sibyahanan sa paghatag og serbisyo sa katawhan pinaagi sa paghatag og lab-as nga mga balita, dugang impormasyon ug mga kalingawan.
Sa karon, nagpadayon pa ang medical mission ug gisugdan na sab ang kalingawan pinaagi sa mga nahan-ay na nga mga padula.
Kasamang Renelyn Barbarona
