RMN na ica 65 año na servicio publico

ZAMBOANGA CITY– Victorioso el programa y el maga actividad del RMN-Zamboanga enantes aga seguiendo conel ica 65 anniversario del compania na servicio publico.
El maga staff del DXRZ RMN Zamboanga ya encabesa el Station Manager si Joel Sanson hunto con el maga quien ta suporta conel estacion ya conduci el blood letting, medical y dental mission y el libre curtada pelo donde monton del maga vivientes del differentes lugar na ciudad ya beneficia.
El maga actividad ya conduci adentro del Philippine Red Cross compound na Pettit Barracks na centro del pueblo.
Maga beneficiario del programa ya rendi miles de gracias conel Radio Mindanao Network por el buen servicio publico para conel communidad.

Facebook Comments