Davao City – Nagmalampuson ang gihimong RMN Networks Christmas Tree Lighting 2018 kagahapong adlawa, Disyembre 21, 2018 sa RMN Broadcast Center sa may Anda Corner Bonifacio Streets, Davao City diin gihimo usab kini sa susamang oras sa tanang mga RMN AM ug FM stations nationwide.
Gipangunahan kini ni Mr. Leo Daugdaug, ang Station Manager sa DXDC RMN Davao ug ni Mr. Gerry Lumantas, ang station manager sa 93.9 iFM Davao uban ang tibuok staff sa RMN Davao.
Nahimong sadya ang gihimong countdown sa pagpasiga sa Christmas tree kung asa nakasab-it ang daghanan ug nagkalain-laing mga Christmas wishes sa mga suking tigpaminaw sa RMN sa tibuok Davao region.
Midan-ag ug mihatag og kahayag ang RMN Christmas tree eksakto alas-5:30 sa hapon diin gawas sa coverage on air, adunay usay gihimong Facebook live sa official Facebook fan page nga DXDC 621 RMN Davao.
Gi-imbitahan usab sa RMN Davao ang tanang mga suking tigpaminaw nga mubisita sa istasyon ug magpa picture sa Christmas tree kauban ang ilang mga paboritong radio personalities.
RadyoMaN Kirby Manzon
