Davao City- Ipahigayon ugmang adlawa ang usa ka aktibidad sa RMN DXDC Davao nga mao ang RMN Oplan Pinaskuhan Alang sa Kabataan.
Human sa atong pinalanggang mga katigulangan, mga kabataan na usab ang atong hatagan og pahalipay ug kalingawan alang sa RMN Oplan Pinaskuhan 2017.
Ugmang adlawa, Nobyembre 30, gawas sa mga pa-premyo, sayong pinaskuhan ang ihatag usab ngadto sa mga kabataan diin himuon kini sa Km. 10, Parola, Sasa Wharf ning syudad sa Davao.
Subay kini sa selebrasyon sa National Children’s Month karong Nobyembre diin ang DXDC 621 RMN Davao makig-uban sa mga kabataan isip paghatag og importansiya sa ilang mga katungod ug papel isip kabahin sa atong katilingban.
Kahinumduman nga nakansela ang nasangpit nga aktibidad kaniadtong adlawng Sabado tungod sa natigayong sunog kaniadtong adlawng Biyernes sa maong lugar.
RadyoMaN Renz Barbarona
