Davao City – Muarangkada na sab ang ikaduhang round sa RMN Oplan Tabang alang sa mga biktima sa sunod-sunod nga linog sa Mindanao.
Ipahigayon ugmang adlawa, Miyerkules, Nobyembre 27, 2019 ang ikaduhang hugna sa pagtunol sa maong tabang pinaagi sa duha ka sibyaanan sa RMN nga mao ang DXDC RMN Davao ug DXBC RMN Butuan.
Gibutyag usab sa DXDC RMN Davao ni Anthony Allada, information officer sa Magsaysay, Davao del Sur nga mapasalamaton kini sa padayong tabang nga gipaabot kanila.
Kahinumduman nga unang nipaabot og tabang ang DXDC niadtong November 9, 2019 sa gatusan nga mga evacuees sa Sitio Bandera nga temporaryong mihikling sa Brgy. Balabag, Digos City.
Nagpasalamat usab ang RMN sa tabang nga gipa-abot pinaagi sa RMN Foundation.
RadyoMaN Kirby Manzon
