RMN Oplan Tabang: P500K donasyon malampusong natunol sa mga apektado sa kalamidad sa Sto. Tomas, Davao Del Norte

Davao City- Usa ka oras ug tunga nga byahe gikan og Davao naabot sa atong team ang katapusang barangay sa Sto. Tomas, Davao del Norte ang Barangay Esperanza aron ihatod ug i-distribute ang mga donasyon sa mga flood victims.

Kini nga barangay, lima ka adlaw nga gilunop ug hurot gayod ang siyam ka mga puroks nga naigo sa grabeng pagbaha dihang niawas ang Libuganon River.

Pag-abot sa atong convoy nga relief vehicles makita na sa mga tawo ang kalipay sa atong dalang mga hinabang.

Anaa sa 500 ka mga pamilya gikan sa siyam ka mga purok ang nakadawat sa dalang relief aid nga Food Packs ( Bugas, Canned Goods, Biscuits, Noodles), Hygiene Kits ug Sleeping Kits.

Ang mga donasyon gikan sa MCKS Caring Heart Foundation, MCKS Charitable Foundation ug Mindanao Pranic Healing Training Center sa koordinasyon sa 819th Auxiliary Squadron, Coast Guard Auxiliary District Southeastern Mindanao, Coast Guard Station Davao ug Coast Guard Station Davao del Norte ug sa DXDC 621 RMN Davao RMN Oplan Tabang.

Mokantidad sa P500,000 ang gidalit nga ayuda sa mga flood victims.

Nagpasalamat si Eleanor Dela Peña, kinsa parte sa Pranic Healing Training Center ug Coast Guard Auxiliary Officer sa koordinasyon sa DXDC aron magmalampuson ang relief operation sa Sto Tomas Davao del Norte.

RadyoMaN Aimee Guinita