RMN Takbo para sa Anibersaryo @ 65 gidagsa og daghang mga runner.

111

Pagadian City, Zamboanga del sur—Gidagsa og daghang mga runner ang gipahigayong RMN TAKBO PARA SA ANIBERSARYO @ 65 nga gipahigayon karong adlawa lang Agosto 26, 2017 nga gipahigayon sa FS Pajares Avenue dakbayan sa Pagadian.
Alas 5:00 sayo sa buntag sa dihang gisugdan ang maong programa pinaagi sa warm up sa mga sumasalmot aron dili sab sila mabag-ohan sa ilang pagtakbo diin bana-banang anaa sa kapin kwarto sientos ka mga runners ang misalmot sa FunRun.
Gawas sa mga runner nga taga Zamboanga del sur, aduna say mga dayo pa nga gikan sa ubang lugar sama sa Cagayan de Oro ug Iligan ang nakaabot sa dakbayan aron kini ilang salmotan og makakuha ug mga dagkong premyo.
Gawa sa cash nga premyo, nanghatag sab ang SMART ug Vivo Smartphone ug mga cellphone, Pocketwifi, mga paying, mini speaker, selfiestick,load ug daghan pang uban diin daghang mga grupo ang misalmot sab sama nalang sa mga empliyado sa Acehardware, Karancho, Tactical Operations group 9, 1st Cav, 1st Fab, Redcross, mga estudyanti sa SMC, PTMS, EMCOTECH, Oracis, Kabalikat Civic com ug daghan pa.
Ang FunRun nga gipahigayon sa RMN-DXPR kabahin sa aktibidad alang sa ika 65th nga anibersaryo sa Radio Mindanao Network Inc. karong Agosto 28, 2017 diin usa gihapon ka Medical and Dental Mission ang ipahigayon sa RMN DXPR Pagadian sa Barangay Bomba. (Mel Coronel/dxpr News Team)

Facebook Comments

From Advertisers