RMN ZAMBOANGA HAY CHENE EL LIVE COVERAGE DEL PROCESSION Y PONTIFICAL MASS DEL FIESTA PILAR LUEGO TARDE

28

El entero fuerza del RMN Zamboanga hay cuvri LIVE con el procession y el misa que hay conduci na Fortaleza del Pilar luego tarde.
Na encavesamiento del General manager Joel T. Sanson, el fuerza del mga anunciador, reporters y technical team del RMN Zamboanga hat chene el remote broadcast na mismo Fortaleza donde LIVE fuede oui el mga vivientes contodol cosa ta socede areredor desdel principio del procession hasta acava el misa.
El Administrador del Fort Pilar Shrine Fr. Roy Galvez solamente ya dale permiso con el RMN Zamboanga para cuvri LIVE con el misa junto con el mismo religious station del Iglesia Catolica el DXVP.
Pormedio del facilidades del RMN Zamboanga, hay fuede chene buen calidad audio feed el iglesia y el mga vivientes que hinde mas ta fuede endereza na Fortaleza hay fuede tambien ouie con el LIVE telecast na DXRZ 900khz na diila mga AM radio dials.
Hay fuede ustedes oui con el mga veterano anunciador y reporters del RMN Zamboanga na encavesamiento de Manager Joel Sanson, Program Director Bhong Simbajon. News Director Bhong Simbajon. Mga reporters afuera como canda Hermie Ventura, Dan Toribio, Mirasol Montesa, Alvin Pioquinto, Eugyn Lasprilla, y Ronald Lamata junto con el asistencia del RMN Chief Technician Marino Bernardo y IT assistant Mike Rute para el facebook Live coverage.
El LIVE Coverage del procession hay prinsipia alas-tres por la tarde hasta el misa termina alas-sez del noche. – *Bhong Simbajon/RMN News*

Facebook Comments