Pasay City – Patay ang isang lalaking nagbi-biskleta matapos magulungan ng trailer truck sa southbound lane ng Edsa-Roxas Boulevard flyover sa Pasay City.
Wala pang pagkakakilanlan ang biktima na tinatayang nasa 60-anyos at nakasuot ng shorts na itim at puting t-shirt.
Naisugod sa San Juan De Dios Hospital ang biktima pero idineklara din itong dead on arrival ng mga doktor.
Kusa naman sumuko ang driver ng truck na si Orlando Vitang at iginiit na huli na ng malaman niyang nakaladkad na niya ang biktima.
Lumalabas sa imbestigasyon na nasagi ng trailer truck ang bisikleta ng biktima kaya ito pumailalim saka nagulungan ng gulong.
Facebook Comments
