Laguna – Tatlong katao ang patay habang isa naman ang kritikal matapos magsalpukan ang isang tricycle at jeep sa bayan ng Lumban, Laguna.
Nakilala ang nasawi na si Francisco Lacbay, driver ng tricycle at mga pasahero nito na sina Glicerio Legaspi at Danny Anonuevo.
Inoobserbahan naman sa Laguna Medical Center ang isa pang sakay ng tricycle na kinilalang si Roberto Pandakila.
Nangyari ang aksidente sa bahagi ng national hi-way ng Barangay Lewin kung saan papuntang Kalayaan Laguna ang tricycle at nakasalpulan nito ang jeep nang tinangkang mag-over take sa isang pang sasakyan.
Nahaharap naman sa patong-patong na kaso ang driver ng jeep na si Joselito Monreal kabilang na ang reckless imprudence resulting to multiple homicide, physical injury at damage to properties.
