Davao City – Gilusad ang road clearing operation sa kapulisan sa Calinan PNP partikular sa Calinan Poblacion ug uban pang kasikbit nga lugar nga sakop sa Calinan district siyudad sa Davao.
Gibutyag ni Calinan PNP station commander Police Chief Inspector Michael Uyanguren nga ipahigayon ang road clearing operation matag adlaw kada buntag ug hapon ngadto sa ilang area of responsibility.
Gidugang ni Uyanguren, tumong niini nga wala nay mga sakyanan nga magpataka og parking sa kadalanan sa dili sakto nga lugar nga posibleng makahatag og perwisyo sa dagan sa trapiko.
Subling nagpahinumdom ang opisyal nga kung si kinsa ang madakpan nga mulapas sa maong balaud ug wala motuman, walay pagpanuko ang kapulisan sa pag-impound sa ilang sakyanan ug moatubang og kaso subay sa balaud sa trapiko.
RadyoMaN Don Pulayao
