Road crash daghang kawsa

34

Davao City – Dili kumbinsido si North and South Vans Terminal Federation in Mindanao (NSVTFM) President Rommel Bajador nga ‘reckless driving’ ang nag-unang rason sa mga disgrasya diha sa kadalanan.

Matud ni Bajador, kalit lamang kun ‘split seconds’ ra gayud nga mahitabo ang disgrasya ug walay driver makapakgang niini, busa lisod i-konektar ang mga disgrasya sa reckless driving factor lamang.


Punto pa ni Bajador, unsaon pag-semplang sa mga behikulo nga ang mga drivers karon hitsas na og mga kahibalo gikan sa mga seminars nga ginapatuman sa Land Transportation Office (LTO) ngadto kanila.

Dugang pa niini, ang istriktong pagpatuman sa mga balaud-trapiko ang nagdisiplina sa mga drivers aron tumanon nila ang prinsipyong ‘responsible driving’ hinungdan nga menos na ang ngilngig nga mga disgrasya sa mga dalan karong panahona.

Hinoon, giangkon ni Bajador nga adunay mga driver kaniadto nga nalambigit sa dugoong mga disgrasya nunot sa pagkamapasagaron diha sa ilang pagmaneho kun kining gitawag nga ‘reckless driving.’

Aron malikayan ang disgrasya, angay mo-diskanso og taas nga oras ang mga driver ingon man sundon gayud ang tanang mga transport rules and regulation sama sa Speed Limit Law gumikan mao kini ang susi sa luwas nga pagbiyahe.

RadyoMaN Joel Viray

Facebook Comments

From Advertisers