Road crash incident sa wangan Calinan usa patay na-areglo na

Davao City – Naareglo na kagahapon Nobyembre 13, 2023, ang duha kampo sa pamilya sa backrider sa motorsiklo nga namatay nga si Renz Sumilat, hingkod ang edad, taga Barangay Sanghay, Malita, Davao Occidental human nagbangga ang motorsiklo nga iyang gisakyan ug tricycle niadtong Domingo alas 9:45 sa gabii sa Purok 17, Bayanihan, Brgy.Wangan, Calinan District, syudad sa Davao.

Sa interview sa DXDC RMN Davao kang PCpl.Ken Leo Gumanoy, Traffic Investigator sa Calinan Police Station gisulti niya, tubagon sa driver sa tricycle nga si Alowin Baldago Bonifacio, ang gasto sa pagpahiluna sa patay’ng lawas sa biktima ug motabang usab ang driver sa motorsiklo nga gisakyan sa biktima.

Segun ni Gumanoy, nigawas sa ilang inbestigasyon ang duha ka sakyanan nagbangga sa nasampit nga lugar miresulta sa kamatayon sa biktima, human gideklara nga wala nay kinabuhi sa pagresponde sa mga personahe Central 911.

“Ang tricycle gikan sa Calinan Poblacion pagarahi na unta taga Purok 17 man tong pedicab,unya ang driver sa motor taga Purok 17 gihapon pagawas sab sa Calinan Poblacion didto nagsugat sa gamay nga dalan unya ngit ngit”,sulti ni Gumanoy.

Ang patay’ng lawas sa biktima gitakdang dalhon sa Brgy.Sanghay, Malita, Davao Occidental aron didto ipahiluna.

RadyoMaN Don Pulayao