Davao City – Tungod sa brake malfunction, nagbangga ang duha ka sakyanan sa Sitio Sinugpang, Brgy. Lanao, Don Marcelino, Davao Occidental alas 12:50 sa udto kagahapong adlawa, Abril 17.
Sa report gikan sa Police Regional Office kun PRO XI nga sa inisyal nga pagpanubay sa mga personahe sa Don Marcelino Municipal Police Station nga sumala sa driver sa Toyota wagon nga giilang si Harold Ma-aya Gaje, 45 anyos, minyo ug residente sa Gredu, Panabo City, nawad-an matud siya og control ug nagka-brake malfunction hinungdan nga mitabok kini sa pikas linya ug aksidenteng mibangga sa usa ka motor nga Honda XRM nga gidrayban ni Arman Umiwas, hingkod ang edad ug residente sa Don Marcelino.
Nakaangkon og minor injuries ang driver sa motor lakip ang iyang asawa nga giilang si Marites Umiwas nga daling gidala sa duol nga balay-tambalanan samtang temporaryong gikustodiya sa kapulisan ang driver sa Toyota wagon alang sa tukmang reklamo nga ipasaka sa mga biktima batok kang Gaje.
RadyoMaN Renz Barbarona
