Davao City – Nakagawas na ang walo ka mga biktima sa insidenteng pagbangga sa usa ka truck ug jeep sa Ulas area ning syudad sa Davao kagahapon sa udto, Enero 13, 2020.
Sa interbyu sa DXDC RMN Davao kang Police Major Ronald Lao, Station Commander sa Talomo PNP, giila niini ang walo ka mga biktima nga nakahiagum og minor injuries mao ang duha ka pasahero sa jeep nga sila Nalisah Panolong, 22-anyos ug si Jonh Panay, 26-anyos, ug ang mga nangaon sa carenderia nga mao sila Vannesa Albeza, 31-anyos, Maricel Neri, 20-anyos, Elena Hasigan, 40-anyos, alyas Kim, 8-anyosalyas Jed, 8-anyos ug Faith Honey Hasigan, 19-anyos puros taga syudad Davao.
“Naay mga eight nga naka angkon og minor injuries, nakagawas na tanan, okay na,” segun ni Lao.
Gibutyag ni Lao nga naggikan ang truck sa Davao del Sur nga gimaneho ni Ruel Adayo, 27-anyos, taga Kapatagan, Digos City sa dihang nawad-an kini og brake pag-abot sa Ulas rason nga mibangga kini sa jeep ug napagan pa ang kan-anan duol sa lugar.
Kasong reckless imprudence resulting to physical injuries and damage to property ang atubangon sa truck driver.
RadyoMaN Kirby Manzon
