ROAD MISHAP | Salakyan sang Philippine Army, nagbaliskad!

42

Cuartero, Capiz- Aksidente nga nagbaliskad ang salakyan sang Philippine Army samtang ginasubay sang mga ini ang kurbadahon nga porsiyon sang dalan sa Brgy. Angub Cuartero alas 6:25 sang aga.
Maswerte naman nga wala sang may seryoso nga napilasan sa anum ka mga katapo sang Philippine Army nga sakay sini.
Suno sa Cuartero PNP, ginpakamaayo na lamang nga i-likaw sang driver ang ila ginasakyan matapos nga nag-agaw sang lugar ang kasugata nga truck nga may karga nga bala rason nga sila ang naglapaw kag nagbaliskad sang pila ka metros sa uyapad.
Nahibaloan nga halin sa Lagdungan, Tapaz ang mga biktima kag buot padulong sa siyudad sang Roxas sang matabo ang insidente.
Ginkabuligan naman sang mga residente kag mga personnel sang MDRRMO sa banwa sang Cuartero ang pagpatakas sa amo nga salakyan.
**(photo)** MDRRMO-Cuartero

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments