Davao City – Pipila na lamang ka adlaw, Bag-ong Tuig na ug seguradong mudagsa na pod ang liboan ka pasahero sa terminal sa bus ug van hilabi na sa bisperas sa karong adlaw’ng Lunes sunod semana.
Ang mga nasudnong ahensiya sama sa Land Transportation Franchising and Regulatory Board (LTFRB) ug Land Transportation Office (LTO) mihimo na karon og inspection sa mga bus ug van units aron maseguro nga luwas ang pagbiyahe sa long holidays.
Gipasalig usab karon ni Davao City Overland Transport Terminal Head Aisa Yusop nga adunay daghang bus units nga masakyan ang mga pasahero nga buot mupauli sa ilang mga lugar aron didto mosugat sa New Year.
Si South and North Bound Van Terminal Manager Romel Bajador adunay tambag sa mga pasahero nga una sila musakay, segurohon nga dili sila magdala og alahas ug mahalong butang aron dili makawatan.
Gitin-aw usab ni Bajador nga mas maayong pahinumdoman daan ang mga drivers nga susihon ang kondisyon sa ilang mga unit una mularga.
Gipulong na usab ni Bajador ang iyang mga ginsakpang mga driver sa mga van nga segurohon nga anaa sa kondisyon ang ilang mga units aron likay hasol sa mga pasahero ug luwas silang makaabot sa ilang mga destinasyon aron makaselebrar sila sa Bag-ong Tuig uban sa ilang pamilya ug mga kabanay.
RadyoMaN Joel Viray
