Davao City – Alang sa luwas nato nga pagbyahe, unang kinahanglan buhaton sa katawhan mao ang pagpatuman ang mga lagda sa kadalanan haron malikayan ang mga disgrasya sa dalan kun road crashes.
Kini maoy gipaambit karon ni IMAGINELAW officer Atty. Maanne Rosales sa interbyu kaniya sa tulumanong ‘Straight to the Point’.
Gipasabot ni Rosales nga ang tumong sa modernisasyon sa mga Public Utility Jeepneys (PUJ) sa entero nasud ubos sa Department of Transportation (DOTr) mao ang ‘safer vehicles’ dili lang alang sa mga pasahero apan alang usab sa mga drivers mismo.
Dugang ni Rosales nga kun mo-ayo na unya ang sitwasyon sa atong panakayan, mas mo-improbar usab ang kinitaan sa mga driver ilabi na nga lakip sa laraw mao ang pagpahalapad sa seating capacity sa mga modernized jeepneys.
Matud ni Rosales, gikinahanglan nga mas pakusgan pa ang pag-implementar sa lima ka Road Safety Pillars sama sa road safety management, safer roads, inter-vehicles safeguards, safer road users adherence ug road crash awareness aron mamahimong hapsay ang byahe sa dalan ug maluwas ang tanan gikan sa dili matagna nga mga disgrasya.
RadyoMaN Jason Amisola
