Davao City – Mga drivers ilawom sa Transmission Piston-Southern Mindanao Region kanunay gipasidan-an mahitungod sa road safety dili lang panahon sa Semana Santa.
Sumala ni Ricardo Baron, Transmission Piston SMR coordinator, kanunay nilang gipahimangnoan ang ilang mga drivers nga mag-amping kanunay sa pagmaneho ingon man ang pagtuman sa mga balaud-trapiko.
Samtang dili sila kumbensido sa mando ni Pres. Rodrigo Duterte kabahin sa nationwide crackdown batok sa tanang colorum nga sakyanang de pasaheroan tungod kay mismo ang mga nagpatuman sa balaud dili motuman sa mga palisiya.
Supak usab sila sa lakang nga patas-an ang mga sanctions o silot sa mga operators tungod sa mga natigayong disgrasya sa kadalanan nga moresulta sa kamatayon sa mga pasahero sama sa nahitabo sa usa ka bus nga nahulog sa pang-pang sa Oriental Mindoro, matud ni Baron ang himoon pangdakpon sa mga law enforcer ang mga malapason ilabina sa colorum.
RadyoMaN Bernard Pantallon
