Davao City – Subling nagpasidaan ang City Traffic and Transport Management Office (CTTMO) nga angay tumanon natong tanan ang mga balaud-trapiko aron malikay sa disgrasya.
Sumala ni Alfredo Tamayo, CTTMO Field Supervisor, angayang sundon ang guidelines nga dili magpakusog sa pagpadagan, ilabi na kung ulan kay dangog ang dalan, motuman sa speed limit, dili magdrive kung nakainom ug uban pang reglamentos.
Si Tamayo nagtuo nga sayop sa driver ug dili sa sakyanan ang nahitabong disgrasya sa may Romualdo Quimpo Boulevard kagahapon sa kadlawon nga miresulta sa kamatayon sa duha ka mga babaye sakay sa kotse human mibangga sa gikasugat nga bus de pasahero.
“Mosunod ‘ta sa atong speed limit sa syudad, mag-amping kay dangog ang dalan panahon sa ting-ulan ug dili mag-drive kung nakainom,” pasidaan sa traffic field enforcer.
RadyoMan Bernard Pantallon
