Tapaz, Capiz – Gina-imbestigahan pa sa subong sang mga kapulisan sa banwa sang Tapaz ang insidente sang pagpangawat sa isa ka poluy-an sa Brgy San Miguel Ilaya sa amu nga banwa.
Alas 10 sang gab-i sang sang nadiskubrehan nga ginsulod sang wala pa makilala nga suspek ang poluy-an nanday Baby Jane Gelilang y Gabayaran, 30-anyos ang pang-edaron kag nagatrabaho sa casino sa isa ka cruise ship.
Ginabanta nga nagalab-ot sa masobra isa ka milyon ka pesos ang balor sang mga alahas nga nakuha sang kawatan nga nag-agi pa sa mayor nga pertahan sang balay.
Kalakip sa mga nakuha sini amo ang isa ka diamond ring, isa ka diamond earing, isa ka pares sang gold nga aritos kag singsing, tig-isa ka gold nga bracelet kag kulintas, relo kag Ipad gadget.
Nahibaloan nga wala sang tawo ang amo nga poluy-an sang ini ang ginsulod.
