Davao City – Ginapaningkamutan sa mga station commanders sa Davao City Police ang pagsulbad o pagpakunhod sa robbery hold-up sa ilang Area of Responsbility kun AOR.
Kini ang giingon ni Police Chief Inspector Ronald Lao, hepe sa Talomo PNP atol sa interview sa DXDC RMN Davao kaniya.
“Paningkamutan gyud, mao ng makigkoordinar ta sa mga tawo ug ang mga pulis kinahanglan gyud mas magbinantayon mao ng kinahanglan buhaton aron masulbad gyud,” sigun ni Lao.
Subay kini sa pagpahimangno ni Davao City Police Office kun DCPO Police S/Supt Alexander Tagum sa tanang station commanders sa syudad nga sulbaron ang mga kaso sa robbery hold-up sa ilang AOR diin og dili makunhuran ug walay kasulbaran ang nasangpit nga hinimuan sa mga suspek, mamilgrong ma-relib sila sa pwesto.
Kahinumduman nga sagunson ang pagpanulis ug pagpanunggab sa mga suspek sa syudad sama nalang sa nahitabo sa usa ka sales lady sa Matina Aplaya kinsa gihold-up ug gisulayan pa og rape apan may nalang nasikop ang suspek og napasakahan na og kaso samtang padayon pang ginapangita ang main suspect nga midunggab sa burger crew sa Catalunan Pequeño.
RadyoMaN Renz Barbarona
