Roxas City, Capiz – Padayon nga gina-imbestigahan sang Roxas City PNP ang nagluntad nga robbery hold-up sa isa ka medical clinic sa Arellano St. Brgy. 3, Roxas City kahapon sang aga. Sa initial nga imbestigasyon sang kapulisan, duha ka mga lalaki ang nagsulod sa Bisnar Medical Clinic mga alas 11:45 sang aga kun sa diin gintutukan sang mga ini sang wala pa mapahayag nga armas luthang ang medical clinic secretary sang nasambit nga klinika.
Ginkilala ang biktima sa kay *Emelyn Joy Mayor Y Adoyogan*, 42 anyos, sang Brgy. Tanque, Roxas City. Ginkuha sang mga suspek ang cellphone sang biktima nga nagabalor P1,000; wallet nga may unod nga P7,000 kag kwarta sang klinika nga naglab-ot sa P650. Madasig naman nga nagpalagyo ang mga suspek, pagkatapos sang nasambit nga insidente.
* (Photo from google map) *
