Roxas City, Capiz – Naglab-ot sa P21,000 ang nataban sang kawatan sa Divine Mercy Mission Station, Brgy. Milibili, Roxas City mga 1:25 kaina sang kaagahon. Ginkilala ang biktima sa kay Fr. *Lowell Cayetano y Padernal,* 55 years old, single, mission station priest sang Divine Mercy Mission Station.
Sa panaysayon sang biktima sa mga kapulisan, ginpahayag sini nga nagakatulog na ini sa iya kwarto apang nakabugtaw ini sang iya nabatyagan ang gahod nga ginatuga sang suspek. Nakita sini ang isa ka persona nga nagatindog malapit sa bintana, apang madasig nga nagpalagyo.
Suno diri nga nakasulod ang ang wala makilala nga suspek sa iya kwarto pinaagi pagbukas sang bintana kag ginkuha sini ang amo nga kantidad. Padayon pa ang imbestigasyon sang mga kapulisan agud mahibaluan ang identity sang suspek.
