Roxas City, Capiz – Yara na sa indi maayo nga estado kag nagapanimaho na ang bangkay sang isa ka senior citizen sang ini ang nasapwan sa sulod sang iya panimalay alas 6 sang aga sa Brgy. Mianay Sigma, Capiz.
Ginkilala ang bikltima kay Sheryl Bermejo, 70-anyos ang pang-edaron sang nasambitan nga lugar. Ini ang nag-angkon sang pilas sa agtang, natuo nga mata kag dughan base sa findings ni Municipal Health Officer Dr. Maria Teresa Tan.
Nahibaloan nga ginkatingala sang mga pamilya sini nga pila na ka adlaw nga wala makaguha sa iya poluy-an ang biktima rason nga pwersahan nga ginbuksan ang panimalay sa diin ini ang nakit-an nga nagahandusay sa bangko nga kawayan kag wala na sang kabuhi. Nadiskubrehan man nga naga-ukay na ang mga kagamitan nga yara sa sulod sang balay.
Suno sa mga kapulisan, naga-isahanon lamang nga naga-istar sa iya poluy-an ang biktima kag may yara sang ginadumalahan nga magamay nga tindahan.
Ginapatihan nga nag-agi ang mga suspek sa ginwasak sa dingding.
Isa sa mga ginasunod nga anggulo sang mga kapulisan amo ang pagpangawat kun sa diin nadula ang jewelry box nga ginapanag-iyahan sang biktima.
