Robredo’s drug strategy sulayan

23

Davao City- Gi-respeto karon ni DILG-XI Regional Director Alex Roldan ang sugyot ni drug czar vice- president leni robredo nga wagtangon na ang ‘oplan tokhang’ nga gisugdan dinhi sa dakbayan ni kanhi PNP Director-General ug karon Sen. Ronald ‘Bato’ Dela Rosa.

Sumala ni Roldan, mas maayong hatagan sa tsansa ang bise-presidente kabahin alang sa mas epektibong istratehiya sa pagpakiggubat sa illegal drugs diin wala nay dugong mobanaw pa gikan sa mga nahilambigit ug bisan na sa mga kapulisan panahon sa anti-drug operations.


Sugyot ni Roldan nga una nato hingpit wad-on ang ‘oplan tokhang,’ angay unang magpahigayon og thorough evaluation aron masuta kun aduna ba’y maayong resulta ang nasangpit nga programa sa kampanya batok droga sa administrasyong Duterte.

Dugang ni Roldan nga dili na kinahanglan pang maghimo og bag-ong nasudnong palisiya sama sa pagtukod og mas daghang drug rehab facilities ilawom sa usaka comprehensive community-based drug rehab campaign sa matag rehiyon tungod kay gibuhat na kini karon sa executive department.

Ang maayo, mas pakusgan pa nato ang mga programa diha sa kabarangayan sa entero nasud aron maangkon ang kadaugan sa gubat sa droga ug mapukan gayud ang mga dagkung sindikato kinsa maoy naga-manufacture ug nagapayuhot sa maong kontrabando, panapos ni Roldan.

RadyoMaN Joel Viray

Facebook Comments

From Advertisers