Davao City – Wala na kinahanglana pa ang usa ka bag-ong ordinansa nga magsilot sa mga tawong walay lingaw sa kinabuhi or malipay kung makalibak ug maka-tsismis sa laing tawo.
Matud ni Regional Director Alex Roldan sa Department of Interior and Local Government (DILG-XI), pupaigo na ang presenteng mga balaud sa nasud aron kasohan kun lutoson ang mga tsismosa ug tsismoso nga nagaguba og dungog sa ubang tawo.
Dugang ni Roldan nga puwedeng makasohan og slander, oral defamation, unjust vexation or libel ang mga tawo nga mahilig mangdaut og uban ug daw dili makumpleto ang ilang adlaw kung walay malibak kun dauton nga tawo.
Gi-angkon ni Roldan nga lakip siyang naglisod og determinar sa limitasyon ug kung unsa ang ensaktong definition sa chismis aron makunsidera nga usa na ka porma sa pagpangdaut ang gibuhat sa usaka libakero o libakera ngadto sa uban.
RadyoMan Joel Viray
