Davao City – Dili gayod itugot sa gobyerno nga magpadayon ang illegal nga operasyon sa mga investment schemes.
Sa pakighinabi sa RMN Davao kang Department of Interior and Local Government XI Regional Director Alex Roldan nga seryuso gayod ang gobyerno diha sa pagpakgang sa mga investment scams ug mapugngan nga daghan pa ang mga mabiktima.
“Ang ilahang operation is illegal. Kung ingnon sa presidente nga ipadayon liable ang presidente mahimo siyang ma-impeach just because of making legal of an illegal, dili na pweding himuon sa presidente bisan pa man og muhilak sila’g dugo. Very clear man nga illegal na siya, if it is against the law you cannot change it even if you do prayer rally,” sumala ni Roldan.
Sumala ni Roldan nga siguradong manubag ang mga Local Chief Executives kung musupak sa mando diha sa pagrevoke sa mga lisensya sa mga investment schemes sa ilahang mga lugar.
Diretso usab gipunto ni Roldan nga kung buot sa mga investors nga makuha ang ilahang mga kwarta angay nga mupasang-at sila og reklamo.
Sumala ni Roldan lisod apan dili impossible nga nga mabalik pa ang kwarta sa mga investors kung aduna gayod kiniy legal basis base usab sa mamahimong desisyon sa korte.
“Ang tambag nako sa ilaha is to file the case kay kung adunay claims maka-claim sila. Whether you like it or not ang mu-prevail gyod ani ang gobyerno kay ang gobyerno ang regulator. Dili mo makabuot sa inyohang kaugalingon nga kami ang legal, karon kung aduna man moy claim is to side with the government, file a case against sa katong gihatagan ninyo ug unsa may ebidensya nga inyong ipakita nga naa moy kwarta didto sa ilaha aron matagaan pa ninyo’g kusog ang gobyerno nga magukod ni sila ug posibleng mabalik pa hopefully ang inyong pondo,” sumala ni Roldan.
Samtang, matud sa Director nga human nga napasakaan og kasong violation of provisions of Republic Act 8799 o Securities Regulation Code (SRC) si KAPA Community International Ministry Inc., founder Pastor Joel A. Apolinario ug uban pang mga personalidad paabuton na lamang karon mugula ang warrant of arrest batok kanila.
RadyoMaN Aimee Guinita
