Davao City – Kumbinsido si Department of Interior and Local Government (DILG-XI) Regional Director Alex Roldan nga panahon na aron mag-transition na gikan sa Enhanced Community Quarantine (ECQ) ngadto sa General Community Quarantine (GCQ) ang nasud sanglit apektado na kaayo ang atong ekonomiya.
Segun ni Roldan, walay kalainan ang mga palisiya sa ECQ ug GCQ gawas lamang nga abli na ang mga nag-unang industriya ug balik arangkada na usab ang mass transportation nianang tungora.
Apan wala’y angay kahadlokan kon kabalak-an ang katawhang Pilipino tungod kay in place na man unya ang mga reglamentos sama sa pagsuot og facemask,social distancing, district clustering, FM pass ug uban pang limitasyon.
Sa pikas bahin, gibutyag ni Marikina Representative Stella Quimbo, kinsa usa ka ekonomista nga matag adlaw, anaa sa P18B ang nalugi sa ekonomiya kon P810B losses sulod lamang sa 45 diyas ug posible pa gani kining mudako kung magdugay pa ang pag-imposar sa estado sa mga lockdown and quarantine measures.
Dugang sa opisyal, ang hulga sa COVID-19 magpabilin ug dili na mawala pa tungod kay may igo na mang kahibalo ang kadaghanan ilabi na diha sa mga responsibilidad nga pagsunod sa mga palisiya.
RadyoMaN Joel Viray
