Davao City – Adunay posibilidad nga mapailawom na sa Modified General Community Quarantine (MGCQ) ang syudad sa Davao ug tibuok Region XI base sa gihimong evaluation sa Department of Health (DOH) sa kaso sa COVID-19.
Sumala ni Department of Interior and Local Government (DILG-XI) Regional Director Alex Roldan, usa sa gibasihan dili lamang kadtong wala na-contaminate kon dili kadtong capacity sa facility nga mo-akomodar sa mga apektado sa COVID-19.
Matud ni Roldan, base sa nakalabay’ng evaluation, ang Region XI wala pa makaabot sa 50% ang health care facility usage bu-ot pasabot, mas daghan gihapon ang naka-recover sa maong balatian itandi sa mga nataptan ning maong kagaw.
Giklaro usab ni Roldan nga dili ang ihap sa mga nag-positive ug ang dili grabe kun mild cases ang deciding factor sa quarantine mode sanglit dili kini alarming apan ang nag-unang basihan gayud mao kadtong gidaghanon sa mga nahatud sa ICU or bin ba kaha kadtong namatay sa maong makalilisang nga balatian.
RadyoMaN Bernard Pantallon
