Roldan: Follow quarantine protocols strictly

27

Davao City – Gitin-aw karon sa Department of Interior and Local Government (DILG-XI) nga puwedeng magamit nga ebidensya ang makalap nga mga social media fotos ug video postings sa internet sa pagpasaka og kaso batok sa mga malapason sa community quarantine measures hatod sa COVID-19 pandemic.

Gibutyag ni Regional Director Alex Roldan nga adunay mga probisyon ubos sa Revised Penal Code (RPC) diin bisan unsang hulagway nga ma-post sa social media nga magpakita sa pagsupak sa quarantine measures mamahimong gamiton sa mga awtoridad diha sa ilang imbestigasyon maingon man diha sa pagduso og pertinenteng kaso.

Dugang ni Roldan nga ang mga photos ug video posts nga matan-awan sa social media pinaagi sa gipadala sa mga concerned citizens, gikan sa CCTV ug vehicle dashboard cameras nag-constitute og konkretong admission sa salaud nga nabuhat sa mga indibidwal atol sa pandemic.

Pahimangno karon ni Roldan sa publiko nga likayan ang maong kalapasan hinonoa, angay nga tumanon sa hingpit ang tanang mga mandatory health safety protocols sama sa social or physical distancing, obligatory wearing of face masks ug face shields inubanan sa frequent handwashing mientras ania pa kita taliwala sa kumbate versus COVID-19 public health emergency.

RadyoMan Joel Viray

Facebook Comments