Davao City – 90% nga na-comply sa syudad sa Davao ingon man sa Davao region ang road clearing operations subay sa kamanduan sa Department of Interior and Local Government (DILG).
Sa interbyu sa DXDC RMN Davao kang Alex Roldan, Regional Director sa DILG-XI, gibutyag niini nga gawas sa pagpanglimpyo sa karsada, ipatuman usab sa matag lokalidad ang ordinansa o balaod sa mga sidewalks.
“Dili man gyud ta makakuha og 100% kay dili lang man pagpanglimpyo ang himuon kundili including na ang mga ubang criteria sama sa paghimo og ordinansa, pag-regulate sa paggamit og sidewalks,” saysay ni Roldan.
Apan gikalipay ni Roldan ang positibong tubag sa kadaghanan diin magpahigayon usab og re-evaluation ang departamento sa road clearing operations aron mamahimo na kining normal o regular nga proseso sa matag Local Government Units (LGUs).
Gibutyag sa opisyal nga himuon kini sa pagsugod sa sunod tuig tungod usab sa nakalinyadang aktibidad sa Disyembre karong tuiga.
RadyoMaN Kirby Manzon
